Қырғызстанда марқұмды кремациялауға рұқсат берілді

Қырғызстанда мемлекеттік крематорийлер салынады. Бұл туралы брифингте Жогорку Кенеш депутаты Марлен Маматалиев мәлімдеді, деп хабарлайды qrnews.kz тілшісі 24.kg-ге сілтеме жасап.

Оның айтуынша, халық арасында өлгендерді өртеу керек деген пікірді ұстанантындар да бар. «Жерлеу және жерлеу ісі туралы» заңда да крематорийлер салу туралы тармақ қарастырылған.

«Қазір бұл заң кейбір дін өкілдерін кремациялауға мүмкіндік береді. Сондай-ақ крематорий түрлі аурулардан өлген жануарларға арналады. Қазір олардың мәйіттерін жай ғана лақтырып жатыр», — деді Марлен Маматалиев.

Ол заң жобасы қабылданғаннан кейін алты ай ішінде жекелеген ережелер, нормативтік құқықтық актілер, құқықтық актілер әзірленетінін айтты.

«Кремация қатаң түрде тиісті органдар арқылы жүзеге асады. Марқұмның туыстары бірқатар растайтын құжаттарды көрсетуі керек. Бұл кім қаласа, сол жасай салатындай оңай емес, », - деп атап өтті депутат.

Белгіленгендей, крематорийлер тек қалаларда ғана мемлекет есебінен салынады.