ҚР министрлерінің орташа жасы - 50 жас

Биылғы 20 ақпандағы жағдай бойынша Қазақстандағы министрлердің орташа жасы 49,9 жас болды.

Ең үлкені – 62,5 жастағы Экология және табиғи ресурстар министрі Ерлан Нұралыұлы Нысанбаев. Екінші және үшінші орындарды Қорғаныс министрі Руслан Фатихұлы Жақсылықов (58 жас) және Ауыл шаруашылығы министрі Айдарбек Сейпілұлы Сапаров (57,7 жас) иеленді.

Ең жас министр – Марат Кәрімжанұлы Қарабаев, ол небәрі 36,6 жаста. Екінші және үшінші орынды Төтенше жағдайлар министрі Шыңғыс Сайранұлы Аринов (40,3 жас) және Цифрлық даму, инновациялар және аэроғарыш өнеркәсібі министрі Бағдат Батырбекұлы Мусин (41 жас) иеленді.

Ranking.kz редакциясы ЕАЭО елдері министрлерінің жасын да зерттеді. Осылайша, бүгінде бес елдің министрлерінің орташа жасы 50,9 жасты құрайды. Қазақстанда 21 министрдің 10-ының жасы осы орташадан жоғары.

Армения Министрлер кабинетін (биыл ақпан айында қызметінен кеткен Экономика министрін қоспағанда) ЕАЭО елдеріндегі министрлердің ең жас құрамы деп санауға болады: 40,9 жас. «Ең ескі» құрам – Ресей министрлері, олардың орташа жасы 55,1 жасты құрады. Қырғызстанда министрлердің орташа жасы 52,6 жасты, Беларусьте 51,6 жасты құрады.