ҚПЛ-2024: «Астана» мен «Ақтөбе» жаңа маусымды жеңіспен бастады

Футболдан Қазақстан премьер-лигасының жаңа маусымы басталды. І-турдың бірінші кездесуінде елордалық «Астана» мен «Жеңіс» командалары өзара мықтыны анықтады.

Алматыда өткен ойында елордалық футболшылар «Жеңісті» 2:0 есебімен жеңді.

Матчтың 19 минутында елордалық команданың жаңа ойыншысы Усман Камара ҚПЛ-2024 жылғы маусымындағы бірінші голды өз атына жазса, 62 минутта Эльхан Астанов есепті еселеді. 

Қызылордада өткен екінші матчта «Ақтөбе» алаң иелерінің қақпасына 3 гол соқты. Ойынның 24 минутында Идрис Умаев, 55 минутында Максим Самородов мергендігімен көзге түсті. 64 минутта Умаев дубль авторы атанды. Ал, «Қайсар» сапынан Тоқтар Жаңғылышбай ойынның нүктесін қойды.