Кейбір қазақстандықтарға құмар ойындарын ойнауға тыйым салынуы мүмкін

Мәжіліс депутаттары борышкерлердің бірыңғай тізіміне енгізілген жеке тұлғалардың ойын бизнесіне қатысуына тыйым салуды енгізуді көздейтін заң жобасын қабылдады. Бұл норма «Қазақстан Республикасының кейбір заңнамалық актілеріне ойын бизнесі, лотерея және лотерея қызметі мәселелері бойынша өзгерістер мен толықтырулар енгізу туралы» заң жобасына енгізілген.

«Заң жобаларына Парламент депутаттары мемлекет басшысының халық арасында ойынға тәуелділікке қарсы күрес жөніндегі заңнамалық шаралар кешенін қабылдау туралы тапсырмасын орындау мақсатында бастамашылық жасады. Борышкерлердің бірыңғай тізіміне енгізілген жеке тұлғалар үшін заң жобасындағы негізгі жаңалықтар ойын бизнесіне қатысуға тыйым салуды енгізу болып табылады. Орналастыру талаптарын күшейту де қарастырылуда. Букмекерлік кеңселер мен букмекерлік дүкендердің жарнамасын тарату, лицензиясы жоқ шетелдік букмекерлік кеңселер мен букмекерлік дүкендердің интернет-ресурстарына тыйым салу да қарастырылып жатыр», – деді депутат Асхат Аймағамбетов.