Қазақстанда шоколад өндірісі артты, бағасы да қымбаттады

Былтыр қазақстандық кондитерлер 106,9 мың тонна шоколад және шоколад пен қанттан жасалған кондитерлік өнім өндірді. Өндіріс 2022 жылмен салыстырғанда 10,4% өскен.

Алайда, биыл қаңтарда небәрі 6,6 мың тонна шоколад және шоколад пен қант өнімдері шығарылған. Бұл былтырғы сәйкес кезеңмен салыстырғанда 17,8% аз.

Naryk.kz порталының хабарлауынша, отандық кондитерлер 2023 жылының аяғында сұранысты (экспорт және ішкі нарықтағы сату) 47,5% қамтамасыз етті, бұл 2022 жылмен салыстырғанда (45,8%) төмен. Шоколад және шоколад пен қанттан жасалған кондитерлік өнім импорты 2,9% өсіп, 118 мың тоннаны құраған. 

2023 жылы экспорт 2,3% өсіп, 36,3 мың тоннаны құраған. Ішкі нарықтағы сату 7,2% өсіп, 188,7 мың тонна болды.

Биыл қаңтардың соңында шоколад бағасы бір айда 0,6% өсті. Салыстыру үшін: желтоқсанда шоколад 0,8%, ал 2023 жылдың қаңтарында 0,9% қымбаттаған.

Бір жылда баға 9% қымбаттады, бұл 2023 жылдың қаңтарымен салыстырғанда айтарлықтай төмен, сол кезде сектордағы баға бір жылда 24,5% өсті.

Шоколад бағасының қымбаттауы 20 өңірдің 19-ында байқалған. Шоколад бағасы ең көп Ақтөбе және Батыс Қазақстан облыстарында тіркелген. Баға қатты өскен аймақтар қатарында Астана мен Маңғыстау да бар.

Ал Түркістан облысында шоколад керісінше арзандаған. 

Өткен жылдың қаңтар-қыркүйегінде халықтың шоколад тұтынуы бір жылда 13,1% өсіп, орта есеппен жан басына шаққанда 682 грамды құраған.

Қалаға қарағанда ауыл халқы шоколадты көбірек тұтынған. Ауылдық жерде шоколад тұтыну 12%, қалада 15% өскен.