$ 455.63 € 507.89 ₽ 5.65

Испанияда пойыздардың соқтығысуынан кемінде 50 адам қаза тауып, 179 жолаушы жарақат алды

Редакция
28 қазан 2026, 17:01
Испанияда пойыздардың соқтығысуынан кемінде 50 адам қаза тауып, 179 жолаушы жарақат алды Сурет авторы: vlast.kz

Испанияның орталығындағы Толедо провинциясында Мадрид — Андалусия бағыты бойынша жүретін жоғары жылдамдықты теміржол желісінде екі пойыз соқтығысты.

Кастилия-Ла-Манча азаматтық қорғаныс қызметінің мәліметінше, апат салдарынан кемінде 50 адам көз жұмып, 179-дан астам жолаушы түрлі деңгейде жарақат алған.

Оқиға жергілікті уақыт бойынша таңғы сағат 8:30 шамасында жылдам жүретін теміржол учаскесінде болған. Алдын ала ақпаратқа сәйкес, Renfe компаниясының AVE пойызы алда келе жатқан жеке тасымалдаушы Iryo құрамына арт жағынан соғылған.

Апат орнына жедел жәрдем қызметтері, өрт сөндірушілер, құтқару тікұшақтары және уақытша медициналық пункттер жіберілді. Зардап шеккендер Мадрид пен Толедо қалаларындағы ауруханаларға жеткізілді.

Қазіргі уақытта теміржолдағы автоматты қауіпсіздік жүйелері мен сигнал беру құрылғыларындағы ақау себептерін мемлекеттік комиссия тексеріп жатыр.

 

Ислам Баман

#Жаңалықтар

Соңғы жаңалықтар