Енді такси жүргізушілері ескі көлікпен қызметін атқара алмауы мүмкін

Редакция
24 сәуір 2024, 00:44
Енді такси жүргізушілері ескі көлікпен қызметін атқара алмауы мүмкін Сурет авторы: Тимур Еникеев

Такси қызметі үшін 90-жылдардағы емес, тіпті 2010 жылғы көліктер жарамай қалуы мүмкін. Сондай-ақ көліктің жүріп өткен жолы 500 мың шақырымнан аспауы тиіс. Қазақстан стандарттау және метрология институты осындай заң жобасын дайындады. 

Таксопарктер осы талаптарға сай келмейтін көлікпен адам тасымалдаған жүргізушілерге айыппұл сала алады.

Бұдан бөлек, стандартқа таксидің сыртқы түріне (төбесінде тұратын белгі, жүргізуші карточкасы және т.б.) талаптар, сапар алдындағы міндетті медициналық тексеруден өту, қауіпсіздік параметрлері, тазалығы және т.б. қосылады.

KazStandard сайтында атап өтілгендей, жобаны қоғамдық талқылаудың аяқталу мерзімі 2024 жылдың сәуіріне белгіленген.

 

Соңғы жаңалықтар