Астана тұрғын үйлерінің бірінен жылан шықты

Астанада көп пәтерлі тұрғын үйлердің бірінен жылан шыққан. Тұрғындар ТЖД өкілдеріне хабарласып, мамандар жыланды ұстап алып кетті. 

“Көп пәтерлі үйге жылан қайдан келді деген үлкен сұрақпен МЧС басшылығына, әкімшіліктің Өмір қауіпсіздігі бөліміне, СЭС-ке хабарластық. Сервис қызметкерлері желдеткішті қарады, бірақ жылан шахта арқылы дәл сол пәтерге кіруі мүмкін емес, жол жабық. Тек бір жол - каналиазация арқылы”,  -  дейді тұрғындар. 

ТЖД қызметкерлерінің айтуынша, жыланды тұрғындар үйде баққан болуы мүмкін, аквариум беті ашық қалып не өзі сыртқа шығып кеткен. Немесе жылан иесі оны канализация арқылы ағызып жібергісі келген. 

ТЖД қызметкерлері 2 күн бойы тұрғын үйді бақылып, 6 қабатты толық аралап шыққан. 

Жылан пәтерде жексенбі күні шыққан соң тұрғындар ешқайда хабарласа алмағанын айтады. Тұрғындар қатты шошып қалған, жылан балалар отырған бөлмеден табылған соң тағы шыға ма деп алаңдайды.

ТЖД өкілдері әзірге тек ауызша түсініктеме берген. Жазбаша ресми ақпарат жарияланбады.