Болгарияда аза тұту күні:86 көлік соқтығысып, 12 адам қаза тапты

Редакция
11 қараша 2026, 10:50
Болгарияда аза тұту күні:86 көлік соқтығысып, 12 адам қаза тапты Сурет авторы: Кадр видео БНТ

Болгария Республикасының Министрлер кеңесі «Тракия» автомагистралінде орын алған екі бірдей жаппай жол-көлік оқиғасына байланысты 11 қарашаны ұлттық аза тұту күні деп жариялайды. Ямбол қаласына қарасты «Зимница» жол айрығы маңында қалың тұман салдарынан жалпы саны 86 автокөлік соқтығысқан. Жол апаты салдарынан 11 адам қаза тауып, 50-ден астам азамат түрлі дәрежедегі жарақаттар алды.

Оқиға орнында болған Премьер-министр Румен Радев каза тапқандардың отбасылары мен жақындарына көңіл айтып, мемлекет тарапынан қаржылай өтемақы төленетінін хабарлады. Мемлекет басшысы жол инфрақұрылымындағы мәселелердің жүйелі түрде шешілуі тиістігін атап өтіп, 2027 жылдың соңына дейін жол қауіпсіздігі деректерін нақты уақыт режимінде біріктіретін бірыңғай ұлттық ақпараттық орталық құрылатынын мәлімдеді. Сондай-ақ уәкілетті органдар мен прокуратураға апат себептеріне толық талдау жүргізу тапсырылды.

Денсаулық сақтау министрі Катя Ивкованың мәліметінше, апат болған аумақтан 51 зардап шеккен адам Сливен, Ямбол және Бургас қалаларының емдеу мекемелеріне жеткізілді. Олардың 13-і ауыр жағдайда жатыр. Қажеттілік туындаған жағдайда кедергісіз тасымалдауды қамтамасыз ету мақсатында Қорғаныс министрлігі «Спартан» әскери-көлік ұшақтары мен «Кугър» тікұшақтарын дайындыққа келтірді.

Ямбол облысы әкімінің өкімімен Стралджа, Ямбол және «Тунджа» муниципалитеттерінде ішінара төтенше жағдай режимі енгізілді.

#Тракия автомагистралі #Қаралы күн #Төтенше жағдай #Ямбол #Халықаралық жаңалықтар

Соңғы жаңалықтар