Тоқаев ҰҚШҰ саммитіне қатысу үшін Мәскеуге барды

Абдрахманов Мағжан
10 қараша 2026, 21:20
Тоқаев ҰҚШҰ саммитіне қатысу үшін Мәскеуге барды Сурет авторы: Ақорда

Қазақстан Президенті Қасым-Жомарт Тоқаев Ұжымдық қауіпсіздік туралы шарт ұйымының (ҰҚШҰ) Ұжымдық қауіпсіздік кеңесінің отырысына қатысу үшін Мәскеуге барды, деп хабарлады Ақорда.

Мемлекет басшысын әуежайда Ресей Үкіметінің ресми өкілдері қарсы алды.

ҰҚШҰ Ұжымдық қауіпсіздік кеңесінің отырысы 11 қарашада Мәскеуде өтеді. Жиында өңірлік қауіпсіздік мәселелерін талқылау және 2030 жылға дейінгі терроризмге қарсы стратегияны қабылдау жоспарланған.

ҰҚШҰ құрамына Қазақстан, Ресей, Беларусь, Қырғызстан, Тәжікстан және Армения кіреді. Армения 2024 жылдан бері ұйым жұмысына қатысуын тоқтатып отыр.

#Тоқаев #ҰҚШҰ #Мәскеу

Соңғы жаңалықтар