Қазақстан балабақшаларында тәулік бойы аудиожазба жүргізу ұсынылды

Редакция
18 қараша 2026, 15:52
Қазақстан балабақшаларында тәулік бойы аудиожазба жүргізу ұсынылды Сурет авторы: ЖИ

Мектепке дейінгі ұйымдарда бейнекамера орнатуға тыйым салынған бөлмелерде үздіксіз аудиофиксация енгізу мәселесін «Әділет» партиясы фракциясының депутаты Тәттігүл Талаева көтерді. Сондай-ақ ол бейнежазбаларды сақтау мерзімін 30 тәуліктен 90 тәулікке дейін ұзартып, ата-аналардың сұранысы бойынша материалдарды міндетті түрде беруді заңмен бекітуді ұсынды.

Бұған еліміздің бірқатар өңірінде, соның ішінде Астанадағы балабақшада тіркелген балаларға қатыгездік көрсету фактілері себеп болған. Депутаттың айтуынша, әсіресе ерекше қажеттіліктері бар балалар қорғансыз күйде қалып отыр: олардың бәрі бірдей болған жайтты ересектерге жеткізе алмайды.

Депутат мемлекеттік және жекеменшік балабақшалардағы бейнебақылауға бірыңғай талап қойып, ата-аналардың жазбаларды көру тәртібі мен архивтің сақталуына меңгерушілердің жауапкершілігін күшейту қажет деп санайды. Аудиофиксация алдын ала құқықтық бағалаудан кейін, балалардың жеке өмірге құқығы мен дербес деректерін қорғау талаптарын сақтай отырып енгізілуі шарт. Әзірге нормативтік өзгерістер қабылданған жоқ.

Соңғы жаңалықтар