Қазақстанда сабақтан себепсіз қалуға бақылау күшейтіліп, буллингпен күрес ережелері өзгертілді

Редакция
17 қараша 2026, 12:52
Қазақстанда сабақтан себепсіз қалуға бақылау күшейтіліп, буллингпен күрес ережелері өзгертілді Сурет авторы: Depositphotos.com

21 қарашадан бастап елімізде балаларды есепке алу және мектептегі әлімжеттіктің (буллингтің) алдын алу жөніндегі жаңартылған ережелер күшіне енеді, деп хабарлайды Алматы қаласының Балалардың құқықтарын қорғау басқармасы.

Жаңа талаптарға сәйкес, Қазақстанда 0 мен 18 жас аралығындағы барлық балалардың бірыңғай деректер базасы жүргізіледі. Оған мектеп оқушылары мен мектепке дейінгі жастағы балалар ғана емес, оқумен қамтылмаған және дәлелді себепсіз сабақтан жүйелі түрде қалатын балалар туралы мәліметтер де енгізіледі.

Тұрақты түрде сабақ босату фактілері туралы ақпарат ай сайын полиция органдарымен келісіліп, әр айдың 10-ына дейін Ұлттық білім беру деректер қорына енгізіліп отырады.

Сонымен қатар мектептегі қысым мен буллинг фактілеріне ден қою тәртібі де түбегейлі өзгерді:

  • Білім беруді басқару органдары буллинг туралы түскен кез келген ақпаратты бір жұмыс күні ішінде ресми тіркеуге міндетті;

  • Мектеп әкімшілігі зардап шеккен оқушыларға кәсіби психологиялық қолдау көрсетуді ұйымдастыруға тиіс.

Соңғы жаңалықтар