$ 453.65 € 509.99 ₽ 5.31

Өскеменде кафеге келген адамға ескерту жасаған полицей қаза тапты

Редакция
06 қазан 2026, 09:30
Өскеменде кафеге келген адамға ескерту жасаған полицей қаза тапты Сурет авторы: ЖИ иллюстрациясы

Шығыс Қазақстан облысында 40 жастағы полиция қызметкерінің өліміне қатысты қылмыстық іс қозғалды. Қайғылы оқиға 4 қазанға қараған түні Өскемен қаласында болған.

Алдын ала алынған мәліметтерге сәйкес, қызметтен тыс уақытта жүрген тәртіп сақшысы тамақтану орындарының бірінде азаматтардың біріне ескерту жасаған. Кейіннен әлгі азамат полиция қызметкерін көшеде қуып жетіп, басынан ауыр соққы жасаған. Тәртіп сақшысы алған дене жарақаты салдарынан оқиға орнында көз жұмды.

ШҚО Полиция департаменті әріптестерінің қаза болған ақпаратын ресми түрде растады.

«Аталған факті бойынша қылмыстық іс қозғалды. Күдікті азамат анықталып, уақытша ұстау изоляторына қамауға алынды», — деп хабарлады ведомствоның баспасөз қызметі.

Қазіргі уақытта оқиғаның барлық мән-жайын анықтауға бағытталған тергеу әрекеттері жүргізілуде.

#ШҚО #Қылмыстық іс #Ішкі істер министрлігі #ШҚО Полиция департаменті #Төтенше жағдай #Заң мен тәртіп

Соңғы жаңалықтар