Қазақстанда семіздікті кешенді емдеу мен алдын алудың жаңа бағдарламасы басталды

Елімізде артық салмақ пен семіздіктен зардап шегетін азаматтарға медициналық көмек көрсетудің жаңа форматы қалыптасып келеді. Баспасөз мәслихаты барысында ҚР Денсаулық сақтау министрлігінің, фармацевтика саласының, сондай-ақ Диабет, эндокриндік және метаболизмдік аурулар қауымдастығының өкілдері бұл мәселенің тек дәрігерлік бақылаумен жүзеге асатын жүйелі емді талап ететінін хабарлады. 

Семіздік диагнозы бар пациенттерге қолдау көрсету стандарттарын талқылауға ҚР ДСМ Медициналық және фармацевтикалық бақылау комитеті, Ұлттық ғылыми денсаулық сақтауды дамыту орталығы (ҰҒДСДО) мен Novo Kazakhstan (Novo Nordisk Kazakhstan) компаниясының сарапшылары қатысты.

Халықаралық медициналық қоғамдастықтың мәліметінше, артық салмақ 2 типті қант диабеті, жүрек-қан тамырлары аурулары және метаболикалық асқынулардың негізгі себептерінің бірі болып табылады. Obesity Atlas (2025) халықаралық зерттеуіне сәйкес, қазақстандық ересектердің 56%-ы артық салмақ жинаған, ал 20%-ына «семіздік» клиникалық диагнозы қойылған. Алайда азаматтардың көбі асқынулар пайда болғаннан кейін ғана мамандарға жүгінеді.

Диабет, эндокриндік және метаболизмдік аурулар қауымдастығының президенті Айгүл Дұрманованың айтуынша, арықтау кезінде май жасушалары жоғалмайды, тек көлемі азаяды.

«Салмақ тастау – бастамасы ғана, басты міндет – қол жеткізілген нәтижені сақтап қалу. Бұл үшін дәрігердің бақылауымен тамақтануды, дене жүктемесін және пациенттің жалпы жағдайын үнемі қадағалап отыру қажет. Дәрігер қабылдау кезінде тек салмақты емес, май тінінің орналасуын, талдау нәтижелерін және қосымша диагноздарды ескереді», - деп атап өтті Диабет, эндокриндік және метаболизмдік аурулар қауымдастығының президенті Айгуль Дурманова.

Ұлттық қоғамдық денсаулық сақтау орталығы (ҰҚДСО) басқарма төрағасының орынбасары Жанар Қалмақова метаболикалық асқынулар қаупін азайтуға бағытталған кешенді бағдарламаның іске асырылу процесі туралы баяндады. Мұндағы басты рөл – алғашқы медициналық-санитариялық көмек көрсететін емханаларға жүктеледі. Сонымен бірге жүйелі күрес жүргізу үшін мемлекет, ғылым мен фармацевтика индустриясының тығыз ынтымақтастығы маңызды.

Баспасөз конференциясында Novo Kazakhstan бас директоры Манвендра Сингх ғылыми жетістіктердің пациенттерге қолжетімді болуының маңыздылығын атап өтіп, Вегови® (семаглутид) препаратының Қазақстанда ресми тіркеуден өткенін мәлімдеді.

Novo Kazakhstan медициналық директоры Галина Шиннің айтуынша, Вегови® препаратының тиімділігі мен қауіпсіздігі халықаралық STEP және SELECT клиникалық зерттеу бағдарламаларымен дәлелденген. Препарат 2021 жылы FDA (АКШ) және 2022 жылы EMA (Еуропа) тарапынан мақұлданған. Клиникалық практикада ол жүрек-қан тамыр аурулары мен семіздік асқынуларының қаупін төмендететінін көрсетті. Сонымен қатар, семаглутид 12 жастан өскен жасөспірімдерді емдеуге де рұқсат етілген.

Мемлекеттік деңгейде жүргізіліп жатқан бұл өзгерістер, дәрігерлік бақылау мен дәлелді фармакотерапияны қолдану арқылы аурулардың алдын алуға және азаматтардың өмір сүру ұзақтығын арттыруға бағытталған.