Жапония мен Қытай арасындағы Тайвань мәселесіне қатысты дау БҰҰ-ға жетті

Жапония премьер-министрі Санаэ Такаити Тайваньға қарсы Қытайдың кез келген әскери әрекеті Жапония үшін «өмірлік маңызы бар қауіп» деп мәлімдегеннен кейін, Токио мен Бейжің арасындағы шиеленіс БҰҰ деңгейіне дейін көтерілді, деп хабарлайды aljazeera.

Жапония бұл айыптаулармен келіспей, БҰҰ Бас хатшысы Антониу Гутерришке жауап хат жіберді. Жапонияның БҰҰ-дағы өкілі Кадзуюки Ямадзаки Қытайдың айтқандарын «негізсіз және толықтай қабылдауға болмайды» деп жазды.

Қытайдың Осакадағы дипломаты әлеуметтік желіде Такаити туралы «басын кесу керек» деген мазмұнда пікір жариялап, кейін оны өшірді.

Бұдан бөлек, Қытай мемлекеттік медиасы Жапонияның Окинава мен Рюкю аралдарына қатысты мақалалар жариялады. Сарапшылар мұны «геосаяси қысым көрсету» деп бағалап отыр.

Жапон сарапшысы Джеффри Халл Такаитидің мәлімдемесіне қатысты пікір білдірді.


«Бұл Жапонияның көптен бергі бейресми ұстанымы еді, бірақ премьер-министрлер мұны ашық айтпайтын», – деді ол.

Қытайдың БҰҰ тұрақты өкілі Фу Цун Такаитидің сөзін «қате» деп атап, олар «Екінші дүниежүзілік соғыстың нәтижелері мен халықаралық тәртіпке қарсы» келеді деді.
Даудың күшеюі Жапонияда Такаитидің ішкі қолдауын арттырғаны айтылады.