Жапония аю шабуылдарының алдын алу үшін төтенше шаралар қабылдады

Жапония үкіметі рекордтық деңгейге жеткен аю шабуылдарын бақылау мақсатында төтенше шаралар қабылдады. Қоршаған орта министрлігінің мәліметінше, сәуір айынан бері аюлардан 13 адам қаза тауып, 100-ден астам адам жарақат алған. Бұл көрсеткіш 2006 жылдан бастап жүргізілген жазбалардағы ең жоғарғы көрсеткіш болып отыр,деп хабарлайды Breaking news English.

Жануарларды басқару саласының мамандары өлім, жарақат алу және аюлармен кездесу жағдайларын азайту үшін арнайы жоспар әзірлеген. Жоспардың бір бөлігі – аюлар тіркелген аудандарда олардың санын азайту. Сонымен қатар әр өңірге арнайы ұстау мақсаттары белгіленеді. Билік аюлардың мекендейтін аймақтарын адам тұрғын үйлерінен ажырату үшін көптеген жерлерде буферлік аймақ құруды да көздеп отыр.

Жапонияда  аюдың екі түрі тіршілік етеді, ал соңғы онжылдықта олардың саны күрт өскен. Бағалауларға сәйкес, 2012 жылдан бері азиялық қара аюлардың саны шамамен үш есе көбейіп, 15 000-нан 44 000-ға жеткен. Солтүстік Хоккайдо аралында мекендейтін үлкенірек әрі қауіпті Уссури қоңыр аюларының саны екі есе өскен.

Аю популяциясының өсуіне бірнеше себеп бар. Оның бірі – жаңғақ тапшылығы, оны ғалымдар климат өзгерісімен байланыстырады. Тағы бір себебі – лицензиясы бар аңшылардың азаюы, олар негізінен аюларды аулап, санын реттеп отырған. Сондай-ақ ауылдық жерлерден халықтың кетуі аюларды қалалар мен ауылдарға жақындауға мәжбүр етуде.