$ 491.59 € 572.16 ₽ 6.24

Трамп: «Гренландияны күшпен тартып алмаймыз, бірақ ол АҚШ-қа тиесілі болуы керек»

Редакция
22 қаңтар 2026, 09:20
Трамп: «Гренландияны күшпен тартып алмаймыз, бірақ ол АҚШ-қа тиесілі болуы керек» Сурет авторы: ҚазАқпарат

Дональд Трамп Давоста өткен форумда Гренландия мәселесін қайта көтеріп, АҚШ-тың бұл аралды сатып алуға әлі де мүдделі екенін жеткізді. Президенттің айтуынша, Гренландияны бақылауға алу НАТО-ның қауіпсіздігін нығайтып, Еуропа мен АҚШ үшін стратегиялық тұрғыдан өте пайдалы болмақ. Бұрынғы қауіптерге қарамастан, Трамп бұл мәселеде әскери сценарий қарастырылмайтынын және еуропалық одақтастармен тек келіссөздер жүргізуге дайын екенін атап өтті, деп хабарлайды CNN.

Алайда Трамп Гренландияны жай ғана ортақ пайдалану форматында емес, АҚШ-тың толық меншігі ретінде көргісі келетінін ашық айтты. Ол аралды беруден бас тартқан Дания билігін «ризашылығы жоқ» деп сынға алып, бұл мәселенің әлі де күн тәртібінде тұрғанын меңзеді. Сонымен қатар аралға қатысты келіссөздер аясында Еуропа елдеріне баж салығын енгізу туралы мәселені де шебер пайдаланып отыр.

#Әлем #Жаңалықтар #АҚШ #Дания #Саясат #Геосаясат #Давос #Келіссөздер #Стратегия #Халықаралық қатынастар #НАТО қауіпсіздігі #Ақ үй

Соңғы жаңалықтар