$ 497.33 € 586.7 ₽ 6.48

Мысырға виза құны қымбаттайды: Қазақстандықтар үшін жаңа тариф бекітілді

Редакция
23 ақпан 2026, 16:36
Мысырға виза құны қымбаттайды: Қазақстандықтар үшін жаңа тариф бекітілді Сурет авторы: tripster

Мысыр билігі биылғы жылдың 1 наурызынан бастап елге келуші шетелдік туристер үшін кіру визасының құнын көтеру туралы шешім қабылдады. Бұл өзгеріс Қазақстан азаматтарына да тікелей қатысты, деп хабарлайды Cairo 24 басылымы.

Шұғыл кіру визасының бағасы 30 долларды (шамамен 14,9 мың теңге) құрайды.Осы уақытқа дейін виза құны 25 доллар (12,4 мың теңге) болатын. Жаңа баға 2026 жылдың 1 наурызынан бастап күшіне енеді.

Мысырдың Туристік компаниялар мен агенттіктер палатасының мәлімдеуінше, тарифтің өсуі көрсетілетін қызмет сапасын арттыру мен туризм саласын дамытуға бағытталған. Қазіргі уақытта туристік операторларға өз бағдарламаларын жаңартып, шетелдік серіктестерімен жаңа тарифтерді келісу жүктелді. Сонымен қатар әуежайларда банк бөлімшелерін көбейту мен транспорттық қызметті жақсарту жоспарлануда.

 

#Мысыр #Виза құны #Қазақстан азаматтары #Каир #Cairo 24 #Виза бағасы #Саяхат #Туристік операторлар #Жаңа тариф #Мысырға виза #1 наурыз #Шетелдік туристер #Демалыс #Әуежай қызметі #Банк бөлімшелері #Транспорттық қызмет #Қызмет көрсету сапасы #Доллар бағамы #Шұғыл виза

Соңғы жаңалықтар