Қырғызстанда бұрынғы шенеуніктер мен депутаттардың ғимараттарын сүріп жатыр

Қырғызстанның оңтүстігіндегі Ош қаласында бұрынғы шенеуніктер мен депутаттарға тиесілі бірқатар ғимарат сүріліп жатыр.

Жергілікті БАҚ мәліметінше, бұл нысандар Ақ-Буура өзенінің жағасында, су қорғау аймағында заңсыз салынған.

Алдын ала деректер бойынша, сүрілетін нысандар қатарында:

• Мемлекеттік салық қызметінің бұрынғы жоғары лауазымды қызметкері Эрмек Чоюновқа тиесілі стоматология клиникасы;

• Бұрынғы депутат әрі Жогорку Кенештің экс-спикері Ахматбек Келдібековтің иелігіндегі «Байсан» мейрамханасы;

• Бұрынғы тораға Асылбек Жээнбековке тиесілі авто-мектеп;

• Экс-депутат Урмат Аманбаева мен АҚШ-тағы бұрынғы елші Бакытбек Аманбаевқа (ағалы-қарындас) тиесілі бірнеше нысан – кафе, павильондар және басқа да құрылыстар.

Сонымен бірге бұрынғы вице-мэр Нурбек Қадыровтың үйі де сүрілген.

Босаған аумақта халыққа арнап саябақ салу жоспарланып отыр.