$ 470.46 € 543.1 ₽ 5.86

«Біз оларды біртіндеп құртамыз»: Израиль Иранның тағы бір лауазымды тұлғасының көзін жойды

Абдрахманов Мағжан
06 сәуір 2026, 14:52
«Біз оларды біртіндеп құртамыз»: Израиль Иранның тағы бір лауазымды тұлғасының көзін жойды Сурет авторы: APA

Иран Ислам революциясы сақшылар корпусының (ИРСК) барлау қызметінің басшысы, бригадалық генерал Маджид Хадеми 6 сәуір күні таңертең жасалған шабуыл салдарынан қаза тапты. Бұл туралы Фарда радиосы КСИР мәлімдемесіне сілтеме жасап хабарлады.

ИРСК генералдың қаза табуының нақты мән-жайын жарияламаған, бірақ Хадемидің «барлау және қауіпсіздік саласында жарты ғасырға жуық адал қызмет еткенін» атап өтті.

Ал Израильдің қорғаныс министрі Исраэль Кац Хадемидің өліміне қатысты мәлімдеме жасап, Израиль әскері «террористік ұйым жетекшілерін жоюды жалғастырып жатқанын» айтты. Кац «біз оларды бірінен соң бірін аңдуды жалғастыра береміз» деп ескерту жасаған.

Маджид Хадеми ИРСК барлау қызметінің басшысы қызметіне 2025 жылдың маусым айының ортасында тағайындалған. Ол бұл қызметке өзінен бұрынғы барлау басшысы Мохаммад Каземи Израильдің Тегерандағы барлау ғимаратына жасаған соққысы кезінде қаза тапқаннан кейін келген.

2026 жылдың қаңтарында АҚШ Қаржы министрлігі Маджид Хадемиге қарсы санкциялар енгізген. АҚШ билігінің мәліметінше, ИРСК барлау қызметі Ирандағы наразылықтарды басу кезінде зорлық-зомбылық, заңсыз ұстау және қорқыту әрекеттерін қолдаған.

#Барлау қызметі #Маджид Хадеми

Соңғы жаңалықтар