$ 499.65 € 582.89 ₽ 6.47

АҚШ G20 саммитінде әлемдік экономиканы өзгертпек

Редакция
02 желтоқсан 2025 14:26 38
АҚШ G20 саммитінде әлемдік экономиканы өзгертпек Сурет авторы: Reuters
АҚШ 1 желтоқсанда G20 төрағалығын қабылдап, алдағы бір жылда күн тәртібін экономикалық өсім, энергия қауіпсіздігі және жаңа технологияларды дамытуға бағыттайтынын жариялады, деп хабарлайды reuters.
 
АҚШ Мемлекеттік департаменті дүйсенбіде төрағалықтың басты бағыттарын жариялап, «G20-ны экономикалық өсім мен байлықты арттыруға бағытталған негізгі миссиясына қайта бағыттау үшін өте қажетті реформаларды жүзеге асырамыз» деп атап өтті.
 
«Біз үш негізгі тақырыпқа басымдық береміз:
1. Реттеуші кедергілерді азайту арқылы экономикалық өсімді арттыру,
2. Қолжетімді және сенімді энергия жеткізу тізбектерін ашу,
3. Жаңа технологиялар мен инновацияларды алға бастыру», — деп мәлімдеді ведомство.
 
Биыл Вашингтон Оңтүстік Африкадағы саммитке қатыспаған, ал келесі жылы саммит Майамиде, Дональд Трампқа тиесілі гольф-курортта өтеді. Трамп Оңтүстік Африканы шақырмайтынын айтып, елдің төрағалықты дұрыс тапсырудан бас тартқанын алға тартты. Бұл шешім кей G20 мүшелері арасында дау тудырып отыр. Германия канцлері Фридрих Мерц Трампты шешімін өзгертуге көндіруге тырысатынын айтты.
 
Оңтүстік Африка президенті Сирил Рамафоса елінің G20-да толық және белсенді мүшесі екенін атап, Трамптың айыптауларын «жалған ақпарат» деп атады.
 
Биылғы саммитте G20 лидерлері климаттық дағдарыс, жаһандық экономика мен сауда мәселелері бойынша декларация қабылдады. АҚШ төрағалығы аясында экономикалық өсім, энергетика және технология саласында реформалар жүргізу жоспарланып отыр.
#АҚШ #Экономикалық Өсу #Энергетикалық Қауіпсіздік #Технология #Майами Саммиті #Жаһандық Экономика #Инновация

Соңғы жаңалықтар