21 жасқа дейінгі қазақстандықтарға Шарм-эль-Шейхке жеке ұшу шектеледі

1 қазаннан бастап Қазақстан азаматтары 21 жасқа толмаған жағдайда Шарм-эль-Шейхке өз бетімен бара алмайды. Мұндай сапарға тек ата-анасының немесе жақын туыстарының еріп жүруімен ғана рұқсат беріледі. Бұл туралы Fly Arystan әуе компаниясының баспасөз қызметі хабарлады.

Жаңа талаптарға сәйкес:

егер жас турист атасы, әжесі, ағасы немесе 21 жастан асқан әпкесімен барса, нотариалды куәландырылған сенімхат болуы тиіс;

сенімхат орыс тілінде қабылданады;

жолаушыда міндетті түрде паспорт пен туу туралы куәлік болуы қажет.

Авиакомпания өкілдерінің айтуынша, бұл шектеу негізінен жас туристерге қатысты енгізіліп отыр. Ал туристік пакеттер арқылы, яғни чартерлік рейспен ұшып, отельде тұруды қамтитын жолдамамен барған жолаушылар үшін тәртіп өзгермейді. Бұрынғыдай виза талап етілмейді.