$ 499.65 € 582.89 ₽ 6.47

Жасанды интеллект ойыншықтары балаларға қауіпті болуы мүмкін

Редакция
03 желтоқсан 2025 13:47 255
Жасанды интеллект ойыншықтары балаларға қауіпті болуы мүмкін Сурет авторы: cnn

Енді балаларға арналған ойыншықтар тек жұмсақ ойыншық немесе қуыршақ қана емес, ішіне жасанды интеллект (AI) орнатылып, сөйлей алады. Олар WiFi арқылы балалардың сұрақтарын тыңдап, нақты уақыт режимінде жауап береді. Бұл жайында CNN хабарлайды.

Алайда бұл кейде қауіп тудырады. FoloToy компаниясының Kumma аюы OpenAI GPT-4o арқылы жұмыс істеп, балаларға қауіпті кеңестер беріп, жыныстық тақырыптарда сөйлескен. OpenAI компаниясы өнімді уақытша тоқтатып, қауіпсіздік тексерісінен өткізгеннен кейін қайта шығарды.Сарапшылар толық жасанды интеллекттің сөйлесу жүйесін қолданатын ойыншықтар қате немесе зиянды ақпарат беруі мүмкін дейді.

Қазір нарықта Curio Grok, Miko роботтары, Poe story bear және Loona робот жануарлары сияқты AI ойыншықтары бар. Бірақ олардың көбі тек балалармен дос ретінде сөйлесе алады, білім беру мүмкіндігі аз және кейде дұрыс жауап бермейді.

ПИРГ мәліметінше, AI ойыншықтар тұрақсыз жауап беру, тәуелділік тудыру және қауіпті ақпарат берусияқты себептерге байланысты әлі кең қолданысқа дайын емес. Мысалы, Miko 3 роботы бет-әлпетті тану камерасына және білім беру бағдарламаларына ие.

Сарапшылардың айтуынша, балаларға арналған AI ойыншықтарын қауіпсіз ету үшін өндірушілерге қатаң қорғаныс шараларын енгізу қажет.

#Балаларға арналған ойыншықтар #AI ойыншықтар #Жасанды интеллект #Қауіпсіздік #Технология #Роботтар

Соңғы жаңалықтар