$ 462.91 € 542.16 ₽ 6.16

Valentino сән үйінің негізін қалаушы Валентино Гаравани дүниеден озды

Редакция
20 қаңтар 2026, 10:09
Valentino сән үйінің негізін қалаушы Валентино Гаравани дүниеден озды Сурет авторы: PБК

Аңызға айналған италиялық модельер, Valentino сән үйінің негізін қалаушы Валентино Гаравани қайтыс болды. Ол 93 жасқа қараған шағында өмірден өтті. Өлім туралы хабар модельердің Instagram-дағы парақшасында жарияланды.

«Валентино Гаравани бүгін Римдегі резиденциясында жақындарының қоршауында көз жұмды», — делінген хабарламада.

Марқұммен қоштасу рәсімі сәрсенбі және бейсенбі күндері Гаравани қорының көрме залында өтеді. Жерлеу рәсімі жұма күні, 23 қаңтарда Римдегі Santa Maria degli Angeli e dei Martiri базиликасында жоспарланған.
Валентино Гаравани 1932 жылы 11 мамырда Италияның Вогера қаласында дүниеге келген. Ол бала кезінен сурет салумен айналысқан. Кейінірек киім модельері болуды армандап, Миландағы Өнер академиясына оқуға түседі. 17 жасында Парижге аттанады. Жан Десс пен Ги Лароштың сән үйлерінде ассистент болып жұмыс істегеннен кейін, 1960 жылы Италияға оралады. Оның клиенттерінің арасында Элизабет Тейлор, Жаклин Кеннеди және ханшайым Маргарет сияқты танымал тұлғалар болды.

Valentino-ның «от кутюр» және «прет-а-порте» топтамалары нәзіктік пен салтанатты өмірдің символына айналды.
1998 жылы Валентино Гаравани өзінің сән үйін бизнесмен Джанни Аньеллиге сатты, бірақ он жыл бойы топтамалар жасауды жалғастырды. Оның соңғы көрсетілімі 2008 жылы Парижде өтті.

#Валентино Гаравани #Сән үйі #Модельер #Рим #Кутюр #Жоғары сән #Жаклин Кеннеди #Элизабет Тейлор #Сән әлемі #Аңыз #Дизайнер #Қайтыс болды #Қаралы хабар #Париж #Вогера #Сән көрсетілімі #Бренд #Өнер Валентино Гаравани #Өнер

Соңғы жаңалықтар