Түркия парламентінде депутаттар төбелесіп қалды

Түркия парламентінде 2026 жылға арналған мемлекеттік бюджет талқыланған отырыс кезінде депутаттар арасында төбелес шықты. Бұл туралы Hurriyet басылымы хабарлады.

Жанжал Республикалық халық партиясы фракциясы төрағасының орынбасары Мурат Эмир мен Әділет және даму партиясынан сайланған Бурса депутаты Мустафа Варанк арасындағы сөз таласынан басталған. Қызу пікірталас көп ұзамай төбелеске ұласып, оған өзге депутаттар да араласқан.

Әріптестерінің араласуымен төбелес тоқтатылды. Оқиғаға қарамастан, парламент отырысы жалғасып, 2026 жылға арналған орталық үкімет бюджеті мен 2024 жылғы қорытынды есеп туралы заң жобалары мақұлданды.