Трамп «ұзақ отырмайды» деді: Иранның жаңа көшбасшысы кім?

Иранда елдің жаңа Жоғарғы көшбасшысы болып 56 жастағы Можтаба Хаменеи тағайындалды, деп хабарлайды BBC. Бұл шешім әкесі, Иранды ұзақ жыл басқарған аятолла Әли Хаменеи қаза тапқаннан кейін қабылданды.

Шиит дінбасыларынан құралған 88 мүшелі Сарапшылар кеңесі оның кандидатурасын бекітті. Тағайындаудан кейін көшеге шыққан қолдаушылар «Аллаху Акбар» деп ұрандатты. Қауіпсіздік күштері жаңа бас қолбасшыға «соңғы тамшы қанымыз қалғанша қызмет етеміз» деп ант берді.

Алайда ел ішінде қарсылық та байқалды. Бұған дейін наразылыққа шыққан кейбір азаматтар үйлерінен «Можтабаға өлім!» деп айқайлағаны хабарланды.

Можтаба Хаменеи бұрын көпшілік алдына сирек шыққан, бірақ ол Иранның ықпалды әскери құрылымы — Ислам революциялық гвардиясымен тығыз байланысты тұлға ретінде белгілі.

Халықаралық деңгейде де пікірлер қатаң. АҚШ президенті Дональд Трамп оның билікке келуіне қатысты «ол ұзаққа бармайды» деп мәлімдеді. Ал Израильдің қорғаныс министрі Можтаба Хаменеи «анық нысана» екенін айтты.

Сарапшылардың пікірінше, оның билікке келуі Иранда консервативті күштердің ықпалы күшейгенін көрсетеді. Иран жаңа көшбасшымен бірге күрделі геосаяси жағдайда жаңа кезеңге қадам басты.