$ 506.7 € 593.14 ₽ 6.53

Трамп мінген ұшақ Давосқа бара жатқан жерінен кері қайтты

Абдрахманов Мағжан
21 қаңтар 2026, 10:35
Трамп мінген ұшақ Давосқа бара жатқан жерінен кері қайтты Сурет авторы: Mike Segar / Reuters

АҚШ президенті Дональд Трамп мінген Air Force One ұшағы электроникадағы болмашы ақауға байланысты Дүниежүзілік экономикалық форум өтетін Давос қаласына ұшып бара жатып, қауіпсіздік мақсатында кері бұрылды. Бұл туралы Трамптың баспасөз хатшысы Каролин Левитт жергілікті уақытпен 20 қаңтар күні мәлімдеді.

Президент отырған ұшақ Мэриленд штатындағы Эндрюс әскери базасына қонған. Сол жерден Трамп пен оның делегациясы басқа әуе кемесіне мініп, Давосқа сапарын жалғастырады.

Трамптың Давостағы сөзі сәрсенбі күні сағат 14:30-ға жоспарланған.

Форум барысында АҚШ президенті бірнеше мемлекет және үкімет басшыларымен екіжақты кездесулер өткізуді жоспарлап отыр. Күн тәртібінде Гренландияға қатысты Вашингтонның жоспарлары да талқылануы мүмкін. Биыл АҚШ Давоста әдеттегіден кең құрамда ұсынылып отыр.

Осыған дейін Трамптың Гренландияға қатысты ұстанымына қарсы шыққан сегіз еуропалық елге баж салығын енгізу туралы мәлімдемесі сынға ұшыраған. Эммануэль Макрон мұндай қадамдарды «аумақтық егемендікке қысым жасау құралы ретінде қолдануға мүлде жол берілмейді» деп бағалады.

22 қаңтар күні Мемлекет басшысы Қасым-Жомарт Тоқаев та Трамптың шақыруымен Бейбітшілік кеңесінің Жарғысына қол қою рәсіміне қатысу үшін Давос қаласына жұмыс сапарымен барады.

#Тоқаев #Давос #Ұшақ #Ақау #Бейбітшілік кеңесі

Соңғы жаңалықтар