$ 502.6 € 589.95 ₽ 6.5

Трамп Иранға қарсы әскери операцияның қанша уақытқа созылатынын айтты

Редакция
02 наурыз 2026, 10:02
Трамп Иранға қарсы әскери операцияның қанша уақытқа созылатынын айтты Сурет авторы: Журнал Международная жизнь

АҚШ Президенті Дональд Трамп Иран аумағындағы әскери іс-қимылдардың алдағы барысына қатысты мәлімдеме жасады. Ақ үй басшысының айтуынша, Иранға қарсы бағытталған әскери операция шамамен төрт аптаға созылуы мүмкін немесе одан да ерте аяқталуы ықтимал.

Естеріңізге сала кетейік, 28 ақпанда АҚШ пен Израиль қарулы күштері Иран нысандарына жаппай соққы берген болатын. Осы шабуыл салдарынан Иранды соңғы 40 жыл бойы басқарып келген рухани көсем, 86 жастағы аятолла Әли Хаменеи қаза тапты. Тегеранға жасалған соққыдан кейін Иран билігі ел аумағында 40 күндік ұлттық аза тұту жариялады.

Қазіргі уақытта Иранда мемлекеттік басқарудың уақытша жүйесі іске қосылды. Жаңа жоғарғы көсем тағайындалғанға дейін ел тізгіні президент Масуд Пезешкианда болады. Сонымен қатар, мемлекеттік басқару ісіне сот билігінің басшысы Голям Хосейн Мохсени-Эджеи мен Конституция сақшылар кеңесінің мүшесі, аятолла Алиреза Арафи де атсалысады. Таяу Шығыстағы жағдай шиеленісе түсуде, ал халықаралық сарапшылар бұл қақтығыстың аймақтық қауіпсіздікке тигізер әсерін жіті бақылап отыр.

#АҚШ #Әскери операция #Масуд Пезешкиан #Таяу Шығыс #Қақтығыс #Аза тұту #Халықаралық қауіпсіздік

Соңғы жаңалықтар