$ 509.94 € 593.88 ₽ 6.43

Трамп Гренландияға не үшін көз тігіп отыр?

Редакция
08 қаңтар 2026, 13:49
Трамп Гренландияға не үшін көз тігіп отыр? Сурет авторы: Johan Nilsson/TT/picture alliance

АҚШ Президенті Дональд Трамп Гренландия аралын бақылауға алу ниетін қайтадан күн тәртібіне шығарып, халықаралық қауымдастықты елең еткізді. Вашингтон бұл аралды ұлттық қауіпсіздік үшін аса маңызды нысан деп санап, Данияның оны қорғау қабілетіне күмән келтіруде. Бұл жайлы Deutsche Welle хабарлады.

Гренландия - әлемдегі ең ірі арал ғана емес, сонымен қатар Арктикадағы стратегиялық форпост. Мұнда АҚШ-тың зымыран соққысын алдын ала ескертетін басты әскери базасы орналасқан. Жаһандық жылынудың әсерінен мұздықтардың еруі аралдың астындағы орасан зор табиғи байлыққа - уран, мұнай және жоғары технологияларға қажетті сирек кездесетін металдарға жол ашты. Сонымен қатар Арктика арқылы өтетін жаңа теңіз бағыттары Ресей мен Қытайдың осы аймақтағы ықпалын шектеуге мүмкіндік береді.

АҚШ-тың бұл аралды сатып алу талпынысы 1867 жылдан бері айтылып келе жатқанымен, Дания мен Гренландия билігі бұл ұсынысты «абсурд» деп атап, үзілді-кесілді бас тартты. Дегенмен Трамп әкімшілігі 2026 жылға қарай Гренландия мәселесінде экономикалық қысым мен саяси риториканы күшейте түсетінін аңғартты. Арал халқы болса АҚШ-тың құрамына өтуді емес, тек толық тәуелсіздікті қалайтынын айтуда.

#АҚШ #Дания #Арктика #Геосаясат #Ұлттық қауіпсіздік #Табиғи ресурстар #Сирек кездесетін металдар #Халықаралық дау #Аннексия #Саяси қысым #Жаһандық жылыну #Теңіз жолдары #Стратегиялық нысан #Егемендік #2026 жыл #Ақ үй #Халықаралық құқық #Аумақтық тұтастық #Аляска

Соңғы жаңалықтар