Толассыз жауын мен тасқын: Азия елдерін су басып жатыр

Азияның бірнеше елінде жауған толассыз жауын мен тасқындар Үндістан, Пәкістан және Қытай халқына әсер етті. Ғалымдар мұны климаттың өзгеруінің салдары деп бағалап отыр.

Үндістанның Уттаракханд штатында бұлт жарылысы салдарынан сел жүріп, кемінде 4 адам қаза тапты, 100-ге жуық адам жоғалып кетті. Құтқарушылар 200-ден астам тұрғынды эвакуациялады.

Пәкістанда болған су тасқындарынан 300-ден астам адам көз жұмды. Зерттеулер климаттың өзгеруі жауын-шашын көлемін 15%-ға арттырғанын көрсетіп отыр.

Қытайдың оңтүстігінде, әсіресе Гонконгта бір тәулікте 140 жылдан бергі ең көп жауын-шашын түсті – 350 мм. Қала көшелері мен метро станцияларын су басты.

Климат мамандары бұл апаттар - жаһандық жылынудың салдары екенін айтып, тез арада алдын алу шараларын қолға алу қажеттігін ескертуде.

Автор: Рахат Жора