Токио соты бір жынысты некеге тыйым салды

Жапонияның жоғары соты елдегі бір жынысты некеге тыйым салатын заңды конституцияға сәйкес деп тапты. Бұл шешім бұрынғы бірнеше сот үкімдерінен ерекшеленеді, олар бір жынысты жұптарға құқық беруді қолдаған еді, деп хабарлайды BBC.

Сот шешімі жарияланған кезде арыз иелері мен олардың адвокаттары наразылық білдіріп, “әділетсіз үкім” деген жазуы бар плакаттар ұстап тұрды.

Арыз иелерінің бірі Шино Кавачи сот шешімін “түсіну қиын” деп бағаласа, оның серігі Хироми Хатогай “өте ашуланғанын” айтты, бірақ күресті жалғастыра беретіндерін мәлімдеді.

Amnesty International шешімді “бір жынысты некеге қатысты кері қадам” деп бағалап, Жапония үкіметін бұл құқықтарды заң жүзінде мойындауға шақырды.

Жапония – G7 елдері ішінде бір жынысты жұптарды толық заңды түрде мойындамайтын жалғыз мемлекет. Елде мұндай некелерге заңдық қорғаныс тек Тайвань, Таиланд және Непалда қарастырылған.

Бұл үкім 2019–2021 жылдары Жапонияның алты жоғары сотында қаралған бір жынысты некеге қатысты істердің соңғысы болып есептеледі. Бұған дейінгі бес сот тыйымды конституцияға қайшы деп тапқанымен, өтемақы талаптарын қанағаттандырмаған. Енді іс Жоғарғы сотқа жіберіледі.