Солтүстік Кореялықтар BTS пен “Кальмар ойынын” көргені үшін өлім жазасына кесіліп жатыр

Пхеньян режимі шетелдік мәдениетке қарсы «идеологиялық соғысты» күшейтті. Елде «Squid Game» (Кальмар ойыны) сериалдарын көргені немесе BTS тобының әндерін тыңдағаны үшін мектеп оқушылары көпшілік алдында өлім жазасына кесіліп, еңбек лагерлеріне жіберілуде, деп хабарлайды Amnesty International.

Amnesty International (халықаралық құқық қорғау ұйымы) 2025 жылы Солтүстік Кореядан қашып шыққан азаматтармен жүргізілген 25 тереңдетілген сұхбат негізінде арнайы баяндама жариялады. Куәгерлердің айтуынша, елдегі жағдай «дистопиялық» деңгейге жеткен:

 Пхеньян режимінің шетелдік мәдениетке қарсы аса қатал күрес жүргізіп жатқанын мәлімдеді. Атап айтқанда, бүкіл әлемге танымал «Игра в кальмара», «Аварийная посадка на тебя» және «Потомки солнца» сериалдарын тамашалау ең ауыр қылмыс болып саналады және бұл үшін адамдар өмірлерімен қоштасуы мүмкін.

Елдегі жазалау жүйесінде әлеуметтік теңсіздік пен жемқорлық кең етек жайған. Куәгерлердің айтуынша, бай және ықпалды отбасылардың балалары ұсталған жағдайда үлкен көлемде пара беріп немесе таныстары арқылы жазадан құтылып кете алады. Мәселен, еңбек лагерінен босап шығу үшін шенеуніктер 5 000-нан 10 000 долларға дейін ақша талап етеді. Ал мұндай мүмкіндігі жоқ кедей отбасылардың балалары ұзақ жылдарға түрмеге айдалады немесе көпшілік алдында атылады.

Мәселен, 2021 жылы «Игра в кальмара» сериалын таратқаны үшін мектеп оқушыларының өлім жазасына кесілгені туралы нақты деректер тіркелген.

Бұл қаталдық тек сериалдармен шектелмейді; билік К-рор музыкасын, соның ішінде BTS тобының әндерін тыңдаған жастарды да қатаң бақылауға алған. 2020 жылы қабылданған арнайы заң шетелдік контентті «халықтың рухын улайтын идеология» деп анықтап, оны сақтағаны үшін 15 жылға дейін мәжбүрлі еңбекке жегуді қарастырады. Тіпті балаларды мектеп қабырғасынан бастап қорқытып ұстау үшін, оларды өз құрдастарының өлім жазасын тамашалауға мәжбүрлейді.

Соның салдарынан, елде «109-шы топ» деп аталатын арнайы жасақ құрылған. Олар үйлерді рұқсатсыз тінтуге, азаматтардың телефондарын тексеруге құқылы. Соған қарамастан, Солтүстік Корея азаматтары шетелдік контентті Қытайдан заңсыз әкелінген USB-флешкалар арқылы жасырын көруді жалғастыруда.

Amnesty International Солтүстік Корея билігін халықаралық құқық пен адам бостандығын өрескел бұзуды тоқтатуға шақырды. Ұйымның пікірінше, ақпараттан қорқу - халықты «идеологиялық торда» ұстаудың 

«Бұл - адамның ой-санасын тұншықтыратын, қорқыныш пен жемқорлыққа негізделген ерікті жүйе. Ол дереу жойылуы тиіс», - делінген хабарламада.