Семіздікке қарсы жаңа қару: Ozempic 2.0 таблеткасы төңкеріс жасай ма?

Келесі жылы салмақ азайтуға арналған жаңа дәрі — Ozempic 2.0 таблеткасы нарыққа шығуы мүмкін. Бұл жайлы Breaking news English хабарлады.  Бұл — қазіргі кең қолданылатын Ozempic инъекциясының ауыз арқылы қабылданатын түрі. Препаратты жасаушы Novo Nordisk компаниясы клиникалық сынақтарда таблетка адамның салмағын орта есеппен 10,5% төмендеткенін хабарлады.

Бәсекелес Eli Lilly компаниясы да өз салмақ азайтатын таблеткасын әзірлеп жатыр. Екі препарат та қазір АҚШ-тың FDA агенттігінің мақұлдауын күтіп отыр.

Мамандардың айтуынша, бұл жаңалық артық салмақпен күресетіндер үшін де, 2-ші деңгейлі диабеті бар адамдар үшін де өте ыңғайлы болмақ. Себебі қазіргі Ozempic аптасына бір рет салынатын инъекция түрінде, әрі тоңазытқышта сақтауды қажет етеді.

Жаңа таблетка күн сайын ішуге ыңғайлы, қолжетімді болады және әлем бойынша кең қолдануға мүмкіндік береді. Сарапшылар оның бағасы да арзан болуы мүмкін екенін айтады.