Путиннің туған күнінде БАҚ-та Алина Кабаевадан туған ұлдарының суреттері жарияланды

Ресейлік журналистер Роман Баданин мен Михаил Рубин «Царь собственной персоной» атты жаңа кітаптарында Ресей президенті Владимир Путиннің жеке өміріне қатысты бұрын белгісіз болған деректерді жариялады. Бұл жөнінде Агентство хабарлады.

Кітапта Путин мен бұрынғы көркем гимнаст Алина Кабаеваның екі ұлы бар екені айтылған. Авторлардың дерегінше, балалардың есімдері – Иван және Владимир, ал олардың тегі Спиридонов деп жазылған. Бұл фамилия президенттің атасы Владимир Спиридонович Путиннің құрметіне алынған болуы мүмкін.

Журналистердің айтуынша, Путиннің балалары әртүрлі фамилиямен тіркелген. Мәселен, бірінші некеден туған қыздары Тихонова және Воронцова тегімен белгілі. Сондай-ақ мемлекет басшысының Елизавета Руднова есімімен Францияда тұрған Розова текті қызы бар деген ақпарат та келтірілген.

Кітапта Путин мен Кабаеваның ұлдарының суреттері де жарияланған. Авторлар олардың жиі Валдайдағы президент резиденциясында уақыт өткізетінін, олар үшін арнайы ағаштан салынған үй, демалыс аймағы, спа орталығы мен саябақ салынғанын жазады. Балаларға жеке көліктер мен жүргізушілер бөлінген, қауіпсіздігін президенттің күзет қызметі қамтамасыз етеді.

Айта кетейік, 7 қазанда Владимир Путин 73 жасқа толды.