$ 499.65 € 582.89 ₽ 6.47

Өзбекстанда шетелдегі соғыстарға қатысқандарға қатысты 338 іс қозғалған

Абдрахманов Мағжан
05 желтоқсан 2025 10:15 103
Өзбекстанда шетелдегі соғыстарға қатысқандарға қатысты 338 іс қозғалған Сурет авторы: banki.loans

Өзбекстанда соңғы жылдары шетелдегі қарулы қақтығыстарға қатысқан азаматтарға қатысты қылмыстық істер күрт көбейді. Gazeta басылымы Мемлекеттік қауіпсіздік қызметі (МҚҚ) дайындаған деректі фильмге сүйене отырып, 2022 жылдан бері Қылмыстық кодекстің “жалдамалылық” бабы (154-бап) бойынша 338 іс қозғалғанын хабарлады.

МҚҚ таратқан мәліметке сәйкес:

• 2022 жылы – 19 іс,

• 2023 жылы – 68 іс,

• 2024 жылы – 112 іс,

• 2025 жылы жыл аяқталмай жатып – 139 іс қозғалған.

Арнайы қызметтің айтуынша, бұл азаматтар діни-экстремистік топтар, халықаралық террористік ұйымдар немесе шетелдік әскери құрылымдарға тиесілі ұйымдар қатарында жалдамалы әскери қызмет атқарған.

Деректі фильмде өзбекстандықтар қандай соғысқа қатысқаны нақты көрсетілмейді. Алайда бұған дейін жергілікті ақпарат құралдары Украинадағы соғысқа Ресей жағында қатысқан өзбек азаматтарының сотталғаны туралы бірнеше рет хабарлаған.

Өзбекстан билігі Ресей армиясы қатарында соғысып жүрген азаматтардың нақты санын жариялаған жоқ. Дегенмен Украина жағы бұл жөнінде мәлімет берді:

Украинаның мемлекеттік “Хочу жить” жобасының дерегінше, 2025 жылдың қазанына қарай кемінде 2715 өзбек азаматы Украинаға қарсы соғыста болған немесе соғысып жатыр.

Жоба есебінде:

• 2023 жылы – 498,

• 2025 жылдың алғашқы жартысында – шамамен 1300 өзбек азаматы Ресей жағында соғысқан.

Өзбек билігі заң бойынша шетелдегі қарулы қақтығыстарға қатысқан азаматтарды қылмыстық жауапқа тартады және бұл бағыттағы бақылауды күшейтіп отыр.

#Өзбекстан #Украинадағы соғыс #Соғыс

Соңғы жаңалықтар