Тайланд пен Вьетнамдағы туристер үшін қауіп төніп тұр

Тайландтың оңтүстігінде бұрын-соңды болмаған нөсер жауып, он провинцияны су басты. Хат Яи қаласы бір күнде 335 мм жауын-шашын алып, соңғы 300 жылдағы рекордты жаңартты. Қаладағы көліктер мен үйлер су астында қалды, ал тұрғындар шатырларға шығып, құтқарушыларды күтіп жатыр, деп хабарлайды BBC.

Су тасқыны салдарынан ел бойынша 33 адам қаза тапты, 2 миллионнан астам адам зардап шеккен. Алайда эвакуациялық орталықтарға небәрі 13 мың адам ғана жеткізілді. Көптеген аймақ байланыссыз қалып, көмекке қол жеткізе алмай отыр. 

Кризиске жауапты тай әскері аймаққа әуе тасымалдаушы, 14 кеме, жүк көліктері, су мотоциклдері және тәулігіне 3 000 адамға тамақ дайындайтын алаңдық асханалардыжөнелтуде.

Сейсенбі күні үкімет Хат Яи орналасқан Сонгкла провинциясын апат аймағы деп жариялап, шұғыл көмекке қаржы бөлді. Соған қарамастан, мыңдаған тұрғын әлі де суда қамалып, құтқару топтарына жете алмай жатыр. Құтқарушылар тобына соңғы үш күнде мыңдаған эвакуациялау туралы өтініш түскен.

Аймақтағы су тасқыны көршілес елдерге де тарады. Видеоға сілтеме. Вьетнамда бір апта ішінде 98 адам қаза тапты, ал Малайзияда 19 000-нан астам адам эвакуацияланды.