$ 509.94 € 593.88 ₽ 6.43

Nvidia мен Mercedes бірігіп автопилот нарығында Tesla-мен бәсекеге түспек

Редакция
06 қаңтар 2026, 10:35
Nvidia мен Mercedes бірігіп автопилот нарығында Tesla-мен бәсекеге түспек Сурет авторы: BBC

Nvidia басшысы Дженсен Хуанг Лас-Вегастағы CES көрмесінде Alpamayo атты жаңа технологиялық платформаны көпшілікке паш етті, деп хабарлайды BBC. 

Бұл жүйе автономды көліктерге тек жолда жүруді ғана емес, адам сияқты ой қорытуды және күрделі жағдайларда негізделген шешім қабылдауды үйретеді. Nvidia немістің Mercedes-Benz концернімен серіктесе отырып, осы технологиямен жабдықталған Mercedes-Benz CLA жүргізушісіз көлігін шығара бастады. Жаңа модель алдағы айларда АҚШ-та, кейін Еуропа мен Азияда сатылымға шықпақ.

Alpamayo — ашық кодты модель, сондықтан оның бағдарламалық коды Hugging Face платформасында зерттеушілер үшін тегін қолжетімді. Бұл қадам Nvidia-ны Илон Масктың Tesla компаниясына басты бәсекелес етеді. Сонымен қатар, компания энергияны аз тұтынатын және технологияның құнын арзандататын жаңа Rubin чиптерінің биыл шығатынын мәлімдеді. Дженсен Хуангтың айтуынша, бұл жоба Nvidia-ны жай ғана чип өндірушіден физикалық жасанды интеллект экожүйесін қалыптастырушы жаһандық платформаға айналдырады.

#Nvidia #Mercedes-Benz #Дженсен Хуанг #Тесла #Hugging Face. Nvidia #Hugging Face #Alpamayo #Rubin чиптері #Жасанды интеллект #ЖИ #Автопилот #Автономды көліктер #Жүргізушісіз автокөлік #Физикалық ЖИ #Ашық код #Роботакси

Соңғы жаңалықтар