Лувр музейі туристер үшін билет бағасын шамамен 2 есеге арттырды

Лувр музейі Еуропалық Одаққа кірмейтін туристер үшін билет бағасын 45%-ға арттыруға шешім қабылдады. Бұл шара музейдің инфрақұрылымын жаңарту, қауіпсіздік жүйесін күшейту және көрмелер сапасын жақсарту мақсатында жүзеге асырылады, деп хабарлайды BBC.

АҚШ, Ұлыбритания, Қытай сияқты елдерден келген туристер енді музейге кіру үшін €32  (шамамен 19.138 теңге)  төлейді. Баға өсімі әр жыл сайын миллиондаған еуро жинауға және музейді модернизациялауға бағытталады.

Өткен қазан айында Луврдан $102 млн құнды зергерлік бұйымдар ұрланған оқиға музейдің ескірген инфрақұрылымын және қауіпсіздік жүйесінің әлсіздігін әшкерелеген еді. Сол себепті жаңа тарифтер мен инфрақұрылымды жаңарту жоспары аса өзекті болып отыр.

Музейдің күнделікті келушілері шамамен 30 мың адамды құрайды. «Мона Лиза» бейнесін көрме залынан жаңа орынға көшіру жоспарланып отыр, бұл көрме залдарындағы тығыздықты азайтып, әрбір келушіге суретке қысқаша қарауға мүмкіндік береді.

Лувр музейінің бұл шешімі туристер үшін қосымша шығын әкелсе де, музейдің қауіпсіздігі мен келушілерге ыңғайлы жағдай жасауға бағытталған маңызды шара ретінде қарастырылып отыр.