Қытайда адамдарды пәтерде жерлеуге тыйым салынбақ

Қытай Халық Республикасында 31 наурыздан бастап көппәтерлі тұрғын үйлерде марқұмдардың күлін сақтауға және пәтерлерді «жерлеу үйіне» айналдыруға тыйым салатын заңнамалық түзетулер күшіне енді. Бұл туралы халықаралық сарапшылар мен жергілікті басылымдар хабарлады.

Соңғы жылдары Қытайдың ірі қалаларында тұрғындардың пәтер сатып алып, оны адам жерлейтін орын ретінде пайдалану үрдісі (тұтынушылар арасында «өлілер үйі» деп аталады) кең етек алған болатын. Билік бұл тәжірибенің заңсыз екенін және тұрғын үй кодексіне қайшы келетінін ресми мәлімдеді.

Жылжымайтын мүлік нарығындағы бағаның төмендеуіне байланысты, кейбір аймақтарда пәтер сатып алу дәстүрлі зираттардан орын сатып алуға қарағанда әлдеқайда арзанға түседі. Сонымен қатар Қытай жерлеу рәсімінің қымбаттығы бойынша әлемдік рейтингте екінші орында тұр. Орташа шығын 37 400 юаньды ($5400) құрайды, бұл ел азаматтарының жылдық табысының шамамен 45%-ына тең. Халықтың қартаю деңгейінің артуы зираттардағы орын тапшылығы мәселесін туындатты.

Калифорния университетінің докторы Синьи Ву бұл мәселеге қатысты пікір білдіріп, тыйым салынғанымен, кландық құндылықтарды ұстанатын отбасылар арасында бұл тәжірибенің жасырын түрде сақталып қалу қаупі бар екенін атап өтті.

Ресми органдардың мәлімдеуінше, пәтерлерді мақсатсыз пайдалануды бақылау күшейтіліп, бұл талапты бұзған меншік иелеріне қатаң әкімшілік шаралар қолданылмақ.