Ирандық мұғалім ауыр дертке шалдыққан оқушысына күн сайын сабақ өткізіп келген

Ирандық ұстаз ауыр дертке шалдыққан оқушысына көмектесу үшін күн сайын ауруханаға барып, сабақ өткізіп келген.

Суретте ұстаз аурухана бөлмесінің сыртында еденге отырып, қолындағы планшет арқылы оқушысына тапсырма түсіндіріп жатқан сәт бейнеленген. Екеуін шыны қабырға бөліп тұр. Олар телефон арқылы сөйлесіп, бала төсек үстінде жатқан күйі мұғалімнің айтқанын мұқият тыңдап жатыр.

Бұл жүрек тебірентер сәттің суреті Reddit желісінде жарияланғаннан кейін тез тарап, 138 мыңнан астам лайк жинап, екі мыңға жуық пікір қалдырылған. Көпшілік ұстаздың адалдығына, шәкіртіне деген қамқорлығына тәнті болып, өз мұғалімдерінің осындай мейірімді іс-әрекеттері туралы естеліктерін бөлісті.