$ 489.3 € 578.94 ₽ 6.38

Ирандағы дүрбелең: 50 мыңнан астам адам қамауға алынды

Абдрахманов Мағжан
18 ақпан 2026, 10:45
Ирандағы дүрбелең: 50 мыңнан астам адам қамауға алынды Сурет авторы: aa.com.tr

Ирандағы жаппай наразылық шаралары басталғалы бері шерушілерге қарсы кемінде 23 мың қылмыстық іс қозғалды. Бұл туралы елдің сот жүйесінің өкілдеріне сілтеме жасаған «Фарда» радиосы хабарлады.

Сот өкілінің мәлімдеуінше, ел аумағындағы қақтығыстар кезінде мемлекеттік нысандарға елеулі зиян келген:

  • 729 полиция бөлімі мен Ислам революциясы сақшылар корпусының (ИРСК) 120 орталығына шабуыл жасалған.

  • Елдің барлық аймағында жаппай ұстау шаралары жүргізілген.

АҚШ-та орналасқан Human Rights Activists in Iran (HRAI) ұйымы жағдайдың ресми деректерден әлдеқайда күрделі екенін айтады. Олардың 15 ақпандағы есебі бойынша:

  • 53 552 адам қамауға алынған (оның ішінде 144-і – студент);

  • 11 053 адам сотқа шақырылған.

Адам шығыны туралы деректер: HRAI мәліметінше, бүгінгі күнге дейін 7 015 адамның қазасы расталған. Оның ішінде 6 508-і – наразылық білдірушілер. Сонымен қатар 11 700-ден астам адамның тағдыры әлі де тексерілуде, ал жарақат алғандар саны 25 845-ке жеткен.

Ирандағы үкіметке қарсы ірі шерулер 2025 жылғы 28 желтоқсанда басталған болатын. Алғашқыда халық экономикалық дағдарыс пен қымбатшылыққа наразылық білдірсе, кейіннен талаптар саяси сипат алып, билікке қарсы ұрандарға ұласты. Қазіргі уақытта толқулар Иранның бүкіл аумағын қамтып отыр.

#Ирандағы наразылықтар #Қамауға алу

Соңғы жаңалықтар