Иран Ормуз бұғазын миналай бастады

Әлемдік мұнай тасымалының бестен бір бөлігі өтетін ең маңызды стратегиялық нүкте – Ормуз бұғазында жағдай күрт шиеленісті, деп хабарлайды CNN. Қазіргі уақытта бірнеше ондаған мина қойылғанымен, Иранның Ислам революциясы күзеті корпусы (ИРКК) жүздеген мина жаюға қауқарлы әскери күшін сақтап отыр.

АҚШ президенті Дональд Трамп бұл әрекетке қатысты Truth Social желісінде қатаң мәлімдеме жасап:

«Егер миналар дереу алынбаса, Иран бұрын-соңды болмаған зардаптарға тап болады», – деп ескертті.

Осыдан кейін АҚШ Қорғаныс министрі Пит Хегсет Орталық қолбасшылықтың Иранның 16 мина қоюшы кемесін жойып жібергенін растады.

Қазіргі уақытта бұғаз іс жүзінде жабық тұр және мамандар оны «ажал алқабы» деп атауда. Күн сайын 20 миллион баррельге жуық мұнай мен отын Парсы шығанағында қамалып қалып, әлемдік нарықта мұнай бағасы бір баррельіне 80 бен 90 доллар аралығында құбылып, тұрақсыздық орнады. G7 елдері тапшылықтың орнын толтыру үшін мұнай қорын шығаруды қарастырып жатыр.