Instagram басшысы: «Күніне 16 сағат қолдану - проблема

Instagram басшысы Адам Моссери Лос-Анджелестегі резонансты сот отырысында әлеуметтік желілердің жасөспірімдердің психикасына әсері туралы мәлімдеме жасады. Ол платформаны айыптаушылардың уәждеріне қарсы шығып, желіні шамадан тыс қолдануды «клиникалық тәуелділікпен» шатастырмау керектігін айтты, деп хабарлайды BBC.

Калифорнияда басталған бұл ірі сот процесі технологиялық компаниялардың жасөспірімдердің денсаулығына тигізген әсері үшін жауапкершілігін анықтауды көздейді. Моссери - бұл іс бойынша куәлік берген алғашқы жоғары лауазымды тұлға. Алдағы уақытта Meta басшысы Марк Цукерберг пен YouTube директоры Нил Мохан да сотқа келеді деп күтілуде.

Сот барысында адвокат Марк Ланье талап қоюшы К.Г.М. есімді жасөспірімнің Instagram-ды күніне 16 сағат бойы үздіксіз қолданғанын алға тартты. Моссери бұған қатысты келесідей пікір білдірді:

Ол 16 сағаттық қолданысты «проблемалық» деп атағанымен, оны клиникалық тәуелділік деп танудан бас тартты. Оның айтуынша,

Адамдар бір хикаяны (сериал) түні бойы көргенде де өздерін «тәуелдімін» деп айтуы мүмкін, бірақ бұл медициналық диагноз емес. Платформаны қолданудың зиянды шегін анықтау мүмкін емес, өйткені бұл - әр адамның жеке сезіміне байланысты нәрсе,-деді.

Сот барысында Meta компаниясының құпия зерттеулері жария болды. Оған сәйкес, 269 000 қолданушының 60%-ы апта сайын Instagram-да буллингке (қорлыққа) тап болатыны анықталған. Сонымен қатар компания басшылары 2019 жылдың өзінде-ақ сыртқы келбетті өзгертетін сүзгілердің жасөспірімдерге зиян екенін білгенімен, оларды толық шектемеген.