Халықаралық көмек азайған сайын балалар өлімі артып келеді

Gates қорының хабарлауынша, халықаралық көмек көлемі азайғандықтан, биыл бес жасқа толмаған балалардың өлімі 2024 жылғы деңгеймен салыстырғанда шамамен  200 000 балаға артуы ықтимал, деп хабарлады Reuters.

Қор болжамынша, бұл биылғы жолы алдын алуға болатын балалар өлімінің алғаш рет өсуі болады. 2024 жылы көрсеткіш шамамен 4,6 миллион болса, биыл 4,8 миллионға жетуі мүмкін. 2000 жылдан бері балалар өлімі шамамен екі есе азайған.

Bill Gates қордың жылдық Goalkeepers баяндамасында: «Ондаған жыл бойы әлем балалар өмірін сақтауда тұрақты прогресске жетті. Бірақ қазіргі уақытта қиындықтар артқан сайын, бұл бұл прогресс кері кетті», – деді.

Алғаш болып халықаралық көмекті АҚШ қысқарта бастады, кейін Ұлыбритания мен Германия сияқты ірі донор елдер де қосылды. Биыл ғаламдық денсаулық сақтау саласына бағытталған даму көмегі 2024 жылмен салыстырғанда 27%-ға азайған.

Қысқартулар балалар өлімінің артуына негізгі себеп болып отыр, сонымен қатар елдердің қарыз проблемалары мен әлсіз денсаулық жүйелері де әсер етеді. Егер көмек осылайша қысқара беретін болса, 2045 жылға дейін 12-16 миллион бала өлуі мүмкін.

Қор мемлекеттер мен жеке тұлғаларға балалар денсаулығын жақсарту үшін вакциналау, алғашқы медициналық көмекті дамыту және жаңа инновациялық құралдарға көңіл бөлуді ұсынады.