Зейнеткерлер үшін ең қолайлы ел анықталды

Көптеген адамдар зейнет жасын шетелде өткізуге құмар бола бастады. International Living журналы 2026 жылы зейнеткерлердің қай елдерді ең көп таңдағанын зерттеді. Зерттеушілердің айтуынша, Грекия 2026 жылы ең қолайлы ел болып танылды, деп хабарлайды Breaking news English.

Журнал жыл сайын жариялайтын Annual Global Retirement Index зейнеткерлер үшін маңызды факторларды – климат, тұрмыс құны, денсаулық сақтау және тұрғын үй жағдайларын ескерді. Бұл Грекияның бірінші рет зейнеткерлер арасында ең танымал ел болуы. Бұған дейін Испания мен Португалия жиі таңдалатын. 2026 жылы Панама, Коста Рика және Тайланд та ең үздік ондыққа кірді.

International Living журналының атқарушы редакторы Дженнифер Стивенс Греция зейнеткерлер іздейтін барлық қасиеттерге ие екенін айтты. Ол елді «сұлулыққа толы, қонақжай және қолжетімді» деп сипаттады. Сондай-ақ ол Грекияда «барлық қырынан бай сезілетін өмір салты» бар екенін атап өтті.
 

Greek Reporter сайтының дерегінше, көп шетелдіктер Грекияны көркем табиғаты үшін таңдайды. Зейнеткерлерге мыңдаған километрлік таңғажайып жағалау, шексіз күн сәулесі, әртүрлі табиғи ландшафттар, көркем аралдар және әсерлі таулардан ләззат алуға мүмкіндік бар. АҚШ-тен Грецияға төрт жыл бұрын қоныс аударған Лина Хорнер елдің өмірді баяу, рахаттана өткізетін философиясын және күнделікті табиғатпен байланысын жоғары бағалайды.