Aустралиялық жасөспірімдер әлеуметтік желіні қолдануға тыйым салуға қарсы шықты

Аустралияның балаларға әлеуметтік желіні қолдануға тыйым салу туралы жаңа заңы елдің Жоғарғы сотында талқыланбақ. Екі 15 жастағы жасөспірім – Ноа Джонс пен Мэйси Нейланд бұл тыйымды конституцияға қайшы деп есептеп, өздерінің еркін коммуникация құқығы бұзылғанын шектейді деп мәлімдеді. Бұл жөнінде BBC хабарлады.

Digital Freedom Project

10 желтоқсаннан бастап Meta, TikTok, YouTube сияқты платформалар 16 жасқа толмаған аустралиялықтарға аккаунт ашуға рұқсат бермеуі тиіс. Үкімет бұл шараны балаларды зиянды контенттен және алгоритмдердің әсерінен қорғау үшін қабылдағанын айтады.

 

Алайда жасөспірімдер мен оларды қолдайтын Digital Freedom Project құқықтық ұйымы бұл тыйым балалардың құқықтарын ескерусіз қалдырып жатыр деп санайды. Олар әлеуметтік желінің ақпарат алмасу мен қоғамдастықпен байланыс үшін маңызды екенін атап өтті, әсіресе мүгедектігі бар балаларға, шалғай аймақтардағы жасөспірімдер мен жастарға көмектесетінін алға тартты.

 

 

Коммуникациялар министрі Анника Уэллс үкімет позициясын қорғап, “Бізді үлкен tech компаниялары да, соттар да қорқыта алмайды” деп мәлімдеді.

 

Digital Freedom Project тыйымды қайта қарастыру үшін басқа шараларды қолдануды ұсынады:

• цифрлық сауаттылық бағдарламалары,

• жас ерекшелігіне сай функцияларды енгізу,

• жеке деректерге зияны аз жас ерекшелігін тексеру технологиялары.

 

Жасөспірім Ноа Джонс бұл саясатты “жалқау шешім” деп атап, “Балаларды қорғау – оларды үнсіз қалдыру емес” деді.

 

Тыйымға tech компаниялар қарсы болғанымен, аустралиялық ересектердің басым бөлігі бұл бастаманы қолдап отыр. Дегенмен мамандар кей балалар әлеуметтік байланыстардан ажырап қалуы немесе интернеттің реттелмеген қауіпті кеңістіктеріне кетіп қалуы мүмкін екенін ескертеді.