$ 509.94 € 593.88 ₽ 6.43

АҚШ Мадуродан кейін кімнің нысанаға алынуы мүмкін екенін атады

Редакция
08 қаңтар 2026, 09:44
АҚШ Мадуродан кейін кімнің нысанаға алынуы мүмкін екенін атады Сурет авторы: РИА новости

Вашингтонның назарына Венесуэланың ішкі істер министрі Диосдадо Кабельо ілікті — ол елдегі ең ықпалды күштік құрылым өкілдерінің бірі, деп хабарлайды Reuters.

Трамп әкімшілігі Кабельоға «соңғы ескертуін» жолдады: не ол уақытша президент Родригестің жағына шығып, Американың айтқанына көнеді, не Мадуро сияқты тақтан тайдырылып, жауапқа тартылады. Бұл хабар оған арнайы өкілдер арқылы жеткен.

АҚШ-тың тағы бір ықтимал нысаны ретінде Қорғаныс министрі Владимир Падрино аталуда. Ол да Кабельо сияқты Американың есірткі саудасына қатысты ісіне іліккен және оны ұстағаны үшін көп миллиондық сыйақы тағайындалған.

Вашингтон Каракастан мыналарды талап етуде:

  • Мұнай секторын АҚШ компаниялары үшін ашу;
  • Есірткі тасымалына қарсы күресті күшейту;
  • Кубалық күштік құрылым өкілдерін елден шығару;
  • Иранмен ынтымақтастықты тоқтату.
#АҚШ #Диосдадо Кабельо #Владимир Падрино #Николас Мадуро #Саяси қысым #Вашингтон #Каракас #Халықаралық қатынастар #Ультиматум #Мұнай секторы #Есірткімен күрес #Куба #Санкциялар #Сыйақы #Саяси дағдарыс #Лауазымды тұлғалар

Соңғы жаңалықтар