$ 475.09 € 551.06 ₽ 5.87

АҚШ 50 жылдан астам уақыттан кейін Айға адамдарды қайта жіберді

Абдрахманов Мағжан
02 сәуір 2026, 10:49
АҚШ 50 жылдан астам уақыттан кейін Айға адамдарды қайта жіберді Сурет авторы: BBC

АҚШ «Артемида-2» миссиясы аясында 1972 жылдан бері алғаш рет Айға пилотты ғарыш кемесін ұшырды. Кеменің бортында төрт астронавт бар. Айды айналып ұшу сапары шамамен 10 күнге созылады.

Space Launch System зымыран-тасығышы NASA-ның «Орион» ғарыш кемесімен бірге Флорида штатындағы Канаверал мүйісінен ұшырылды. Миссия барысында ғарыш кемесі Айды бір рет айналып шығады.

Астронавттар Жерден шамамен 406 мың шақырым қашықтыққа дейін ұшады. Бұл – адамзат тарихындағы ең алыс пилотты ғарыш сапары. Бұған дейінгі рекорд 1970 жылы «Аполлон-13» миссиясына тиесілі болған, ол кезде экипаж 330 мың шақырым қашықтыққа дейін барған.

«Артемида-2» миссиясы АҚШ-тың жаңа ай бағдарламасындағы маңызды кезең саналады. Бағдарламаның негізгі мақсаты – 2028 жылы Айға адамдарды қайта қондыру. Бұл «Артемида-4» миссиясы аясында жүзеге асырылмақ. Ал Қытай өз астронавттарын Айға 2030 жылы қондыруды жоспарлап отыр.

Айта кетейік, 2022 жылы NASA «Артемида» бағдарламасы аясында алғашқы ұшқышсыз миссияны іске қосып, «Орион» кемесін Айды айналып келуге жіберген еді.

#АҚШ #Ғарышкер #NASA #Артемида-2

Соңғы жаңалықтар