$ 493.36 € 572.84 ₽ 6.29

90-нан астам снаряд: АҚШ Сириядағы ИШИМ базаларын күл-талқан етті

Редакция
12 қаңтар 2026, 10:04
90-нан астам снаряд: АҚШ Сириядағы ИШИМ базаларын күл-талқан етті Сурет авторы: U.S. Central Command

АҚШ пен оның одақтастары Сириядағы «Ислам мемлекеті» (ИШИМ) тобының базаларына ауқымды шабуыл жасады. Бұл туралы АҚШ Қарулы Күштерінің Орталық қолбасшылығы Centcom хабарлады.

АҚШ Президенті Дональд Трамп соққы беру туралы бұйрықты 10 қаңтарда берген. «Қаршыға соққысы» (Hawkeye strike) деп аталған бұл операция 13 желтоқсанда Сириядағы америкалық әскерге жасалған қанды шабуылға жауап ретінде ұйымдастырылды.

Centcom бұл әрекетті терроризммен күрес және аймақтағы одақтас күштерді қорғау деп түсіндірді.

 «Біздің жолдауымыз қатаң: егер сіз біздің жауынгерлерімізге зиян келтірсеңіз, біз сізді жердің қай түкпірінде болсаңыз да тауып, жоямыз. Жазадан құтылу мүмкін емес», – деп мәлімдеді Орталық қолбасшылық.

БАҚ мәліметінше, операцияға 20-дан астам ұшақ қатысып, 35-тен астам нысанға 90-нан астам жоғары дәлдіктегі оқ тасталған. Әзірге соққы тиген нақты орындар мен зардап шеккендер саны туралы ақпарат жарияланған жоқ.

#АҚШ соққысы #Сириядағы соғыс #ИШИМ #Қаршыға соққысы #Centcom мәлімдемесі #Халықаралық жаңалықтар #Терроризммен күрес #Әскери операция #АҚШ әскері #Сирия жаңалықтары #Геосаясат #Әуе шабуылы #Қауіпсіздік #Әлемдік қақтығыстар #Пентагон #Жаңалықтар 2026

Соңғы жаңалықтар