WSJ: Дональд Трамп Иранды ұзақ мерзімді блокадаға алуға тапсырма берді

АҚШ Президенті Дональд Трамп ұлттық қауіпсіздік жөніндегі көмекшілеріне Иранды ұзақ мерзімді экономикалық және әскери блокадаға алу жоспарын әзірлеуді тапсырды. The Wall Street Journal басылымының хабарлауынша, Трамп тікелей әскери соққы жасаудан немесе қақтығыстан мүлдем шығып кетуден көрі, Иранның мұнай экспортын тұншықтыруды тиімдірек деп есептейді.

Ақ үй Иранның Ормуз бұғазын ашу және соғысты тоқтату туралы ұсынысын кезекті «саяси айла» деп бағалады. АҚШ Мемлекеттік хатшысы Марко Рубионың айтуынша, кез келген келісімнің басты шарты – Иранның ядролық бағдарламасын толық тоқтатуы.

«Біздің бұл жерде жүруіміздің негізгі себебі – ядролық мәселе», — деп атап өтті Рубио Fox News телеарнасына берген сұхбатында.

Сарапшылардың пікірінше, Вашингтон Иранның ұсынысын қабылдаса, бұл қарашада өтетін аралық сайлау алдында республикашылардың рейтингіне оң әсер етуі мүмкін еді. Алайда Трамп пен оның кеңесшілері ядролық қаруға қатысты қысым тетігін жоғалтып алудан қауіптенеді.

Қазіргі уақытта екі тарап та уақыт өз пайдасына жұмыс істеп тұр деп есептейтін сияқты. Ирандық келіссөз жүргізушілер жаңа шарттарды жоғарғы көшбасшы Мұжтаба Хаменеимен келісу үшін уақыт сұраған. Дегенмен халықаралық делдалдар жақын арада келіссөздерде үлкен серпіліс боларына күмәнмен қарап отыр.